Halyqtyń densaýlyǵy jaqsaryp, ómir súrý uzaqtyǵy artty
ASTANA.KAZINFORM – 1991 jyldan bastap 2025 jyldy qosa alǵandaǵy kezeńdegi demografııalyq derekterdi taldaý halyqtyń ómir súrý sapasy men densaýlyq jaǵdaıynda túbegeıli ózgerister bolǵanyn kórsetedi. Bul týraly DSM baspasóz qyzmeti habarlady.
Qazaqstandyqtardyń ómir súrý uzaqtyǵy (KÓU) 75,97 jasqa jetip, táýelsiz memlekettiń tarıhyndaǵy absolıýtti rekordty ornatty.
— Táýelsizdiktiń alǵashqy jyldarynda, 1991 jyly, KÓU ortasha kórsetkishi 67,6 jas (2001 jyl — 65,6, 2011 jyl — 68,98, 2021 jyl — 70,23) boldy. Osylaısha, úsh jarym onjyldyq ishinde el azamattarynyń ortasha ómir súrý uzaqtyǵy 8 jyldan astam ýaqytqa artty, — delingen mınıstrlik habarlamasynda.
Ómir súrý uzaqtyǵyna áser etetin mańyzdy faktorlardyń biri — ınfektsııalyq emes aýrýlarmen (IEA) kúres boıynsha iske asyrylyp jatqan sharalar.
2025 jyly Qazaqstan Dúnıejúzilik densaýlyq saqtaý uıymynyń Eýropalyq óńirinde ınfektsııalyq emes aýrýlardan bolatyn ólimdi 25%-ǵa tómendetken elderdiń alǵashqy ondyǵyna endi. Bul kórsetkish DDU-nyń Eýropalyq jumys baǵdarlamasynyń nysanaly ındıkatory.
Oń dınamıka densaýlyq saqtaý júıesin damytý, halyqtyń ómir sapasyn jaqsartý jáne ólimdi tómendetý boıynsha memlekettik baǵdarlamalardyń tıimdiligin aıǵaqtaıdy.
Qazaqstan Úkimeti 2029 jylǵa deıingi densaýlyq saqtaýdy damytý tujyrymdamasy sheńberinde eldegi kútiletin ómir súrý uzaqtyǵyn 77 jasqa deıin jetkizý jóninde órshil maqsat qoıyp otyr.
Aıta ketelik
