«Halyq býhgalteri» aktsııasy bastaldy

ASTANA. KAZINFORM – Búgin, 1 qańtarynda salyqpen tikeleı jumys isteıtin mamandarǵa arnalǵan «Halyq býhgalteri» aktsııasy bastaldy. Salyqpen tikeleı jumys isteıtin mamandarǵa arnalǵan «Halyq býhgalteri» aktsııasyn Qarjy mınıstrligi kásipkerlerge kómektesý úshin iske qosyp otyr.

Aktsııa aıasynda resmı resýrstar arqyly onlaın-konsýltatsııalar berý kózdelgen. Sol úshin arnaıy Telegram-arna qurylady. Sondaı-aq, offlaın jáne onlaın formatta vebınarlar ótkizilmek.

Aktsııaǵa kásibı býhgalterler men aýdıtorlar, kásibı býhgalterlik birlestikterdiń ókilderi, aýmaqtyq memlekettik kirister organdarynyń mamandary tartylady. Aktsııany birinshi jartyjyldyq boıynda ótedi.

— Qarjy mınıstrligi kásipkerlerge kómektesý úshin 2026 jyldyń 1 qańtarynan bastap «Halyq býhgalteri» aktsııasyn iske qosady. Bıylǵy 19 jeltoqsanda býhgalterler qaýymdastyǵymen kezdesýde bizdiń bastamamyz qoldaý tapty. Aktsııaǵa kásibı býhgalterler men aýdıtorlar, kásibı býhgalterlik birlestikterdiń ókilderi, aýmaqtyq memlekettik kirister organdarynyń mamandary tartylady. Aktsııany birinshi jartyjyldyq boıynda ótedi, — degen edi Qarjy mınıstri Mádı Takıev.

Aıta keteıik, búginnen bastap elimizde jańa Salyq kodeksi kúshine enedi. Qujat salyq salý tásilin túbegeıli ózgertedi. Sonymen qatar salyqtyq ákimshilendirýdi jeńildetip, bıznes pen jeke tulǵalarǵa arnalǵan tsıfrlyq servısterdi engizedi.