Halyq banktiń tsıfrlyq qyzmetteri istemeı tur

ASTANA. KAZINFORM – Halyq banktiń baspasóz qyzmeti Halyk mobıldik qosymshasynyń jumysynda nege irkilis bolyp jatqanyn túsindirdi.

- Internet-qyzmetterge qol jetkizý ýaqytsha shektelgenine baılanysty tsıfrlyq servısterge túsken suranystar keıinge shegerilýi múmkin. Dál qazir Halyk SuperApp qosymshasynda da júıelerge túsetin júktemeniń artýyna baılanysty ýaqytsha tehnıkalyq shekteýler baıqalyp otyr. Bank mamandary servısterdiń turaqty ári tolyqqandy jumysyn qalpyna keltirý úshin qajetti jumystardy júrgizip jatyr, - dep jazady banktiń baspasóz qyzmeti.

Halyq bank ókilderi aqaýdyń naqty qashan joıylatyny belgisiz dep otyr.

- Bank qoljetimdiliktiń shektelýin tez arada joıyp, qyzmetterdiń turaqty jumysyn qamtamasyz etý úshin barlyq múmkin sharalardy qabyldap jatyr. Klıentter men seriktesterimizge túsinistik tanytqany úshin alǵys bildiremiz, - dep jazylǵan resmı habarlamada.

Buǵan deıin Otbasy bank qosymshasy men enpf-otbasy portaly ýaqytsha istemeı turǵanyn jazǵan edik.