Halyq ártisi, professor Baqır Baıahýnov ómirden ótti
ASTANA. KAZINFORM - Mádenıet jáne aqparat mınıstrligi kórnekti kompozıtor, Qazaqstannyń halyq ártisi, professor Baqır ıAhııauly Baıahýnovtyń dúnıeden ótýine baılanysty otbasy men týǵan-týystaryna, jaqyndaryna, áriptesteri men shákirtterine qaıǵyryp kóńil aıtty.
Baqır ıAhııauly bar ǵumyryn mýzyka ónerine arnap, otandyq kompozıtorlyq mekteptiń damýyna eleýli úles qosty. Qazaqtyń mýzykalyq murasyn, Shyǵys halyqtarynyń áýen-sazyn eýropalyq akademııalyq mýzyka dástúrimen sheber ushtastyrǵan týyndylary elimizdiń rýhanı qazynasyn baıytty.
Ulaǵatty ustaz Qurmanǵazy atyndaǵy Qazaq ulttyq konservatorııasynda qyryq jyldan astam eńbek etip, birneshe býyn kásibı mýzykant tárbıeledi. Ol shákirtterine bilim berip qana qoımaı, ónerdiń qadir-qasıetin uǵyndyryp, shyǵarmashylyq jolda baǵyt-baǵdar kórsetti.
Baqır ıAhııaulynyń baı shyǵarmashylyq murasy, ustazdyq ónegesi men jarqyn beınesi el jadynda máńgi saqtalady.
