Halyq 50 jyldyq gaz ballonyn áli paıdalanyp júr – Oljas Bektenov
ASTANA. KAZINFORM – Premer-mınıstr Oljas Bektenov Ónerkásip jáne qurylys mınıstrligine gaz ballondarynyń óndirisin jyldamdatyp uıymdastyrýdy tapsyrdy.
«Sýyq túskeli beri úılerde gaz ballondary jarylǵan 8 jaǵdaı oryn aldy. Negizgi sebep – olardy paıdalaný jáne saqtaý talaptaryn buzý. Onyń ishinde 50 jyl bolǵan ballondar da bar. Qazirgi ýaqytta gaz jabdyqtaryn paıdalaný talaptarynyń saqtalýyn baqylaý ákimdikterge júktelgen. Alaıda jumys tıisti deńgeıde emes.
Gaz toltyrý pýnktteriniń menshik ıeleri arasynda ballondardyń sapasyn baqylaý, olardyń jaramdylyq merzimin tekserý týraly túsindirý jumysyn júrgizý qajet», - dedi Úkimet basshysy.
Oljas Bektenov gaz ballondarynyń qaýipsizdigi jyl ótken saıyn kúrdelenip bara jatqanyn atap ótti.
«Ónerkásip mınıstrligine múddeli memlekettik organdarmen birlesip, ballondar óndirisin uıymdastyrý boıynsha sharalar qabyldaýdy tapsyramyn», - dedi Premer-mınıstr.
