«Halıfat sarbazdarynan» Qazaqstanǵa qaýip bar
ASTANA. 4 jeltoqsan. QazAqparat - Ulttyq qaýipsizdik komıteti elimizde tyıym salynǵan lańkestik uıym «Halıfat sarbazdarynyń» qyzmetin beıtaraptandyrý boıynsha keshendi jedel sharalar qabyldap jatyr.
Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy barysynda UQK tóraǵasynyń orynbasary Qabdýlkárim Ábdiqazymov málim etti.
«Halıfat sarbazdary» qatarynda bizdiń azamattarymyzdyń, bizdiń elden shyqqan azamattardyń bolýy, sondaı-aq ondaı adamdardyń bizdiń elimizde terrakt jasaýǵa baǵyttalyp otyrýyn esepke ala kele, biz osy baǵyttan keletin qaýipti naqty bar dep sanaımyz. Bul rette arnaıy qyzmettiń mindeti ondaı qaterlerdi barynsha tómendetý, elimizde bundaı uıym men onyń ustanǵan baǵytyn keńeıtýge jol bermeý bolyp tabylady. Jedel jospar boıynsha biz osyny atqaryp ta jatyrmyz», - dep atap ótti senatorlar tarapynan qoıylǵan saýalǵa jaýap bergen UQK tóraǵasynyń orynbasary.
Onyń aıtýynsha, byltyrǵy jyly Atyraý qalasyndaǵy ákimdik pen aýdandyq prokýratýra ǵımaratynyń mańynda jasalǵan jarylysty «Halıfat sarbazdary» óz jaýapkershiligine alǵan.
«Onyń emıssarlary bizdiń elimizdiń aýmaǵyna engen joq, alaıda, respýblıka aýmaǵynda jekelegen adamdarmen baılanys ornatqan jáne sol adamdar álgi lańkestik áreketti júzege asyrǵan», - dedi Q. Ábdiqazymov.
