Halıfa Altaıdyń jary ómirden ótti
ASTANA. QazAqparat - Din jáne qoǵam qaıratkeri Halıfa Altaıdyń jubaıy Bıbátish Júnisqyzy Almatyda qaıtys boldy, dep habarlaıdy QazAqparat «Egemen Qazaqstanǵa» silteme jasap.
Halıfa Altaımen 51 jyl otasyp, tórt ul, tórt qyz tárbıelegen Bıbátish Júnisqyzy 1932 jyly Altaıda ómirge kelgen. Qytaıdan Úndistanǵa údere kóshken qazaqtardyń qatarynda Manısany panalap, keıinnen Túrkııadan turaq tapqan Halıfa Altaıdyń otbasy Qazaqstan táýelsizdigin jarııalaı salysymen 1991 jyly atajurtqa kóship keldi.
Qazirde Bıbátish apa tárbıelegen tórt qyz Túrkııada, eki ul Almatyda turady. Bir uly Parıjde turaqtap qalǵan Bıbátish Júnisqyzynyń úlken balasy qaıtys bolǵan.
