Halal ónimge qoıylatyn eýrostandart engizilmek
ASTANA. 18 qyrkúıek. QazAqparat - Standarttaý jónindegi eýropalyq komıtet (Comite Europeen de Normalisation, CEN) kári qurlyq elderinde túrli halal ónimderin sertıfıkattaýǵa qatysty biryńǵaı standart engizýdiń joldaryn qarastyratyn qaýlynyń jobasyn qolǵa aldy.
Bul qadam halal ónimder saýdasyn ońtaılandyrýǵa ári qadaǵalap otyrýǵa múmkindik beredi. Komıtet málimeti boıynsha, Eýropa elderindegi halal ónimder naryǵy 70 mlrd. eýrony quraıdy.
Muslim.kz saıtynyń jazýynsha, sonymen qatar, atalmysh komıtet maldy sharıǵatqa saı soıýdyń biryńǵaı talaptaryn engizýge ári halal ónimderge paıdalanylatyn qospalardyń shegin belgileýge belsene kirispek.
Aýqymdy jumystyń júzege asyrylý jospary eki jyl ýaqytqa eseptelingen.
Osy másele boıynsha Eýropadaǵy 28 eldiń ókilderi qyrkúıektiń 23-i kúni bas qosady.
