Halal ındýstrııasynyń múmkindigi paıdalanylmaı jatyr - Táýelsiz kásipkerler qaýymdastyǵynyń vıtse-prezıdenti
ALMATY. Jeltoqsannyń 30-y. QazAqparat /Erlik Erjanuly/ - El turǵyndarynyń 70 paıyzy musylman dinin ustasa da elde áli kúnge deıin halal ındýstrııasynyń múmkindigi paıdalanylmaı jatyr.
Ony Táýelsiz kásipkerler qaýymdastyǵynyń vıtse-prezıdenti Tımýr Nazhanov QazAqparat tilshisine bergen suhbatynda aıtty.
"Halal ındýstrııasy - sońǵy kezde kóterilip jatqan másele. Oǵan ásirese jastar kóp kóńil bólip jatyr. Qazir óndiristiń bul salasy elimizde birshama baıaýlap qaldy. Degenmen, onyń bolashaǵy óte zor. Ókinishke oraı, oǵan serpin beretin halal ındýstrııasy týraly zań da, normatıvtik-quqyqtyq aktiler de joq. Sol sebepti onyń múmkindigi tolyq paıdalanylmaı jatyr", deıdi Tımýr Nazhanov. Onyń paıymdaýynsha, quzyrly organdar halal ónimderdiń jańa standarttaryn daıyndaýy kerek. Standart daıyndalsa, Qazaqstanda óndiriletin sapaly halal ónimderimen tutynýshy suranysyn qamtamasyz etýge múmkindik mol. Daǵdarystan keıingi kezeńdegi el ekonomıkasyn damytýǵa óndiristiń bul salasy úlken yqpal ete alady.
