Halal dári-dármektiń halyqaralyq quryltaıy ótedi
ASTANA. 18 qazan. QazAqparat - Qarasha aıynyń 11-i men 13-i aralyǵynda Kýala-Lýmpýrde tuńǵysh ret halal dári-dármekke qatysty halyqaralyq jıyn ótedi. Mańyzdy jıynǵa halal dári-dármek óndiretin aldyńǵy qatarly kompanııalar men tutynýshylar, sondaı-aq, osy salanyń ósip-órkendeýine múddeli quzyrly organdardyń ókilderi qatysady.
Bul sharaǵa Malaızııanyń Standarttaý jáne Islamı damý departamentteri (JAKIM) muryndyq boldy.
Muslim.kz saıtynyń jazýynsha, halal ındýstrııasynda jumys isteıtin 20-dan asa sharıǵat keńesi tájirıbe almasyp, naryqtaǵy múmkindikterin, halal dári-dármek salasynyń keleshegin taldaıdy.
Osy sharanyń aıasynda halal dári-dármek óndiretin kásiporyndardyń halal sertıfıkatyna qatysty alǵash ret semınary ótedi. Atalmysh sharaǵa JAKIM men halal salasyn damytý korporatsııasy (HDC) uıytqy bolady. Sondaı-aq, ónimderi álemde tuńǵysh ret MS2424:2012 halal standartyna ıe bolǵan malaızııalyq Chemical Company of Malaysia Bhd hımııa kompanııasynyń semınary ótedi.
