Hal ústindegi ájesine kómek suraǵan 4 jasar qyz úskirik aıazda 8 km joldy júrip ótken
ASTANA. QazAqparat - Reseıdiń Týva aımaǵynda 4 jasar qyz óziniń hal ústinde jatqan ájesine kómek suraý úshin úskirik aıazda 4 saǵat boıy úzdiksiz júrip, 8 km joldy basyp ótken. Bul týraly óńirlik tótenshe jaǵdaılar qyzmetine silteme jasaı otyryp FlashSiberia habarlady.
Onda jarııalanǵan aqparattar boıynsha, óziniń ájesimen jáne zaǵıp atasymen birge turyp jatqan Salgana Salchak ájesiniń qımylsyz qalǵanyn baıqaǵan. Bul týraly ol atasyna aıtqan. Alaıda eshqandaı kómek kórsete almaıtynyn bilgen qart qyzdy kórshilerden kómek suraýǵa jiberedi, dep jazdy lenta rý.
Salgana bolsa, úskirik aıazda shopandardyń turaǵyna jetip, turǵyndardy kómekke shaqyrady. Alaıda kórshileri men dárigerler kómekke kelgenshe onyń ájesi qaıtys bolyp ketken.
Aldyn ala málimetter boıynsha, qart áıeldiń ólimine ınfarkt sebep bolǵan.
Tótenshe jaǵdaılar mınıstrliginiń ókili qyzdy nagradaǵa usynǵylary keletinin aıtqan. Qazirgi tańda ol aýrýhanada jatyr.
