Hakerlik shabýylǵa ushyraǵan Syrtqy ister mınıstrliginiń júıesi tekserilip jatyr

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi elimizdiń Syrtqy ister mınıstrliginiń júıesi qaýipsizdigin jospardan tys tekserip jatyr. Bul týraly vedomstvonyń baspasóz qyzmeti habarlady. 

- Infosecurity Magazine saıtynda tsıfrlyq qaýipsizdik máselelerimen aınalysatyn Sekoia kompanııasynyń esebine silteme jasaı otyryp, Qazaqstan men Ortalyq Azııa elderinde strategııalyq mańyzdy aqparatty jınaý maqsatynda kıbershabýyl týraly aqparat ornalastyryldy. Bul kıbershabýylǵa qatysty alǵashqy esepti ýkraınalyq CERT byltyr shildede jarııalady. Esepte júıeni qashyqtan basqarý úshin paıdalanylǵan «HATVIBE» jáne «CherrySpy» zalaldy baǵdarlamalary sıpattalǵan, - deıdi mınıstrliktiń baspasóz qyzmetinen. 

Aqparatta aıtylǵandaı, Qazaqstan Respýblıkasynyń Syrtqy ister mınıstrligine qatysty «CherrySpy» jáne «HATVIBE» faıldaryn paıdalana otyryp, hakerlik toptyń kıbershabýyly «Memlekettik tehnıkalyq qyzmet» AQ 2023 jyldyń ekinshi jartyjyldyǵynan bastap qorǵalý jaı-kúıiniń monıtorıngi boıynsha júrgiziletin is-sharalar sheńberinde tirkeldi. 

Osy oraıda Tsıfrlyq damý, ınnovatsııalar jáne aeroǵarysh ónerkásibi mınıstrligi memlekettik tehnıkalyq qyzmet aktsıonerlik qoǵamymen birlesip, byltyr Syrtqy ister mınıstrliginiń aqparattyq qaýipsizdigine tekserý júrgizdi. 

- Jańa mán-jaıǵa baılanysty bizdiń mınıstrlik Syrtqy ister mınıstrligine qatysty jospardan tys tekserý júrgizýdi josparlap otyr. Onyń nátıjesi boıynsha tıisti sharalar qabyldanady, - deıdi vedomstvodan. 

Eske sala ketsek, byltyr jazda Ónerkásip jáne qurylys mınıstrligine hakerlik shabýyl jasalǵan edi.