Hakerler Wikileaks esepshotyn japqan MasterCard tólem júıesine shabýyl jasady
ASTANA. 9 jeltoqsan. QazAqparat - Hakerler MasterCard tólem júıesine shabýyl jasady, dep habarlady RBK agenttigi.
Kompanııa ókilderiniń habarlaýynsha, syrttan jasalǵan árekettiń saldarynan «tólem júıesi tolyq jumysyn toqtatty». Buǵan olar Wikileaks jaqtastarynan qaýiptenedi. MasterCard ókilderiniń aıtýynsha, saıt júıesi de isten shyqqan.
Eske sala keteıik, munyń aldynda iri halyqaralyq MasterCard tólem júıesi jobanyń negizin qalaýshy Djýlıan Assandjǵa qatysty tergeý bastalýymen baılanysty WikiLeaks ınternet-jobasynyń esepshotyna qarjy aýdarýdy toqtatqan bolatyn. MasterCard ókilderiniń málimdemeleri boıynsha, operatsııalardy júzege asyrý WikiLeaks qyzmetin tergeý tolyq aıaqtalyp, jaǵdaı anyqtalǵansha toqtatylǵan. Sondaı-aq Visa jetekshi tólem júıesi de osyndaı sheshim qabyldaǵan.
Budan buryn tanymal PayPal elektrondy tólemder servısi de WikiLeaks shotyna aqsha aýdarýdy toqtatty, sondyqtan da Dj.Assandj Shveıtsarııa poshtasynyń qurylymdyq bólimshesi PostFinance kompanııasynan esepshot ashýǵa májbúr boldy. Alaıda bul áreket te iske aspady. PostFinance, Dj.Assandjdyń shotyn japqanyn habarlady. Oǵan PostFinance kompanııasynda esepshot ashqan adamnyń Shveıtsarııa aýmaǵynda turmaýy sebep boldy. 2010 jylǵy 7 jeltoqsanda WikiLeaks óziniń turaqty oqyrmandaryna saıtqa kómektesý jóninde úndeý jarııalady. Habarlamada saıtqa jan-jaqtan shabýyl jasalyp, onyń ómir súrýi qıyndap otyrǵany aıtylǵan.
Al Dj.Assandjdyń ózin londondyq sot kepilge bosatýdan bas tartty. Ol 2010 jylǵy 14 jeltoqsanda bolatyn kelesi tyńdaýǵa deıin qamaýda bolmaq.
