Hakerler WikiLeaks basshysy úshin kek aldy
ASTANA. 8 jeltoqsan. QazAqparat - Djýlıan Assandjdy jaqtaýshy hakerler onyń tutqynǵa alynǵaly úshin kek aldy. Keshe shved prokýratýrasynyń saıty men WikiLeaks úshin qaıyrymdylyq jarnalaryn qabyldaýdan bas tartqan PayPal tólemdik júıesiniń jáne Assandjdyń esepshotyn jaýyp tastaǵan Swiss Post Office bankiniń saıttary kıbershabýylǵa ushyrady.
Hakerlerdiń biriniń BBC News kompanııasyna habarlaýynsha, WikiLeaks «qupııa materıaldar jarııalanatyn saıt bolýdan qalyp, qarapaıym azamattardyń ókimetke qarsy kúresiniń shaıqas alańyna aınalyp otyr».
Esterińizge sala keteıik, myńdaǵan qupııa qujattardy jarııalaǵan WikiLeaks saıtynyń ıesi Djýlıan Assandj Ulybrıtanııada júrgen sapary kezinde, adam zorlady degen shved ókimetiniń aıyptaýy boıynsha qamaýǵa alynǵan bolatyn. Assandjdy kepilaqshamen bostandyqqa shyǵarýǵa da ruqsat berilmeı otyr.
