Hakerler Ulybrıtanııa qorǵanys mınıstrliginiń bazasyn buzdy

LONDON. KAZINFORM - Hakerler brıtan Qorǵanys mınıstrligi áskerı qyzmetkerleriniń jeke málimetteri saqtalǵan bazany buzdy. BBC taratqan beıresmı aqparatqa sensek, Úkimet seısenbide osy oqıǵa jaıynda Parlament depýtattaryna habarlaıdy.

VVS-de hakerliktiń artynda kim turǵany týraly aqparat joq. Sky News habarlaýynsha, úkimet belgili bir eldi atamasa da, bul hakerler Qytaı bıligimen baılanysty.

VVS málimetinshe, hakerler áskerı qyzmetkerlerdiń jalaqysy men bank shotynyń nómiri saqtalatyn júıege qol jetkizgen. 

Arasynda keıbiriniń úıiniń mekenjaıyn bilip alǵany da anyq.  

Mınıstrliktiń syrtqy merdigeri aınalysatyn buzylǵan júıede Ulybrıtanııanyń qazirgi jáne burynǵy armııa, flot jáne áýe kúshteri qyzmetkerleriniń salyq qyzmetine jiberilgen qujat túrindegi jeke aqparaty bolǵan. 

Syrtqy merdigerdiń kompıýterlerin buzǵandyqtan hakerler Qorǵanys mınıstrliginiń jedel aqparatyn ala almaǵan. 

Mınıstrlik bul bassyzdyqty anyqtaǵannan keıin dereý shara qabyldap, júıeni syrtqy qoljetimdilikten ajyratqan.