Hakerler Túrkııanyń 50 mln azamatyna qatysty derekter qoryn jarııalady
ASTANA. QazAqparat - Hakerler toby jelige derekter qoryn ornalastyrdy. Olardyń aıtýynsha onda Túrkııanyń 50 mln azamatynyń jeke málimetteri, sonyń ishinde prezıdent pen úkimet basshysynyń jeke málimetteri berilgen. Bul týraly Bı-Bı-Sı agenttigi habarlady.
Sarapshylardyń aıtýynsha, eger hakerlerdiń málimdemesi rastalsa, bul álemde eń úlken jeke málimetterdiń jarııalanýy bolmaq.
Olar jeke málimetterdiń jarııalanýy Túrkııa turǵyndarynyń qaýipsizdigine zalal keltiredi dep sanaıdy.
Resmı aqparatqa sáıkes, Túrkııa turǵyndarynyń sany - 77,6 mln.
Qupııa aqparattyń ózgelerdiń qolyna qalaı túskeni beımálim.
Boljam boıynsha, hakerler shabýylynyń maqsaty - Túrkııanyń elıtasy men el prezıdenti Rejep Taıyp Erdoǵan bolýy múmkin.
Assoshıeıted Press agenttigi habarlaýynsha, 10 túrik azamatynyń sáıkestendirý nómirin teksergende, onyń segizi durys málimet bolǵandyǵy anyqtaldy.
