Hakerler tanysý saıtynyń 20 mln. paıdalanýshysynyń jeke málimetterin urlaǵan
ASTANA. QazAqparat - Belgisiz hakerler tanysýǵa arnalǵan saıttyń 20 mln. paıdalanýshysynyń tirkelgen ataýlary men parolderin - jeke málimetterin urlaǵan.
Bloomberg agenttiginiń derekterine súıensek, zardap shekkenderdiń jartysyna jýyǵy Reseıdiń, 40 paıyzy Eýroodaq elderiniń turǵyndary.
Bloomberg atap ótkendeı, kıber qylmyskerler urlanǵan aqparatty arnaıy ınternet-saıtqa satýǵa qoıǵan. Ony satyp alǵandar, mysaly, jábirlenýshiniń banktik esepshotyna qoljetimdilikti alýǵa áreket jasaı alady.
Qaı tanysý saıty hakerlik shabýyl qurbany bolǵany ázirge belgisiz.
