Hakerler SNN telearnasynyń paraqshasyn buzdy
ASTANA. QazAqparat - OurMine hakerler tobynyń músheleri amerıkalyq CNN telearnasynyń Feısbýktaǵy akkaýntyn buzdy, dep habarlaıdy Habar 24 telearnasy.
Mashable basylymynyń jazýyna qaraǵanda, qaskóıler CNN International jáne CNN Politics paraqshalaryn buzǵan. Hakerler telearna paraqshalarynda ózderiniń logotıpterin jáne dástúrli jazbasyn qaldyryp ketken. Habarlamada: «Sálem, bul OurMine. Biz sizdiń qorǵanysyńyzdy tekserdik. Aqparat alý úshin bizge habarlasyńyz», - delingen. Jarty saǵattan soń Feısbýk ákimshiligi CNN qyzmetkerlerine óz akkaýntaryna kirý múmkindigin qaıta qalpyna keltirip, hakerler qaldyrǵan jazbany óshirip tastady. Hakerler uıymynyń músheliginde Saýd Arabııasynyń 3 mektep oqýshysy da bar kórinedi.
Foto: © "RIA Novostı"
