Hakerler shabýyldaýy múmkin: Japonııada mobıldi baılanys qyzmeti úzildi
ASTANA. KAZINFORM — Japonııanyń eń iri telekommýnıkatsııa operatory NTT Docomo beısenbilt búkil el boıynsha jeli úzilisteri baıqalǵanyn habarlady, qazir kompanııa aqaý sebebin anyqtaý úshin tekseris bastaǵan. Bul týraly Kyodo agenttigi habarlady.
Kompanııa saǵat 11:18 shamasynda daýystyq qońyraýlar, mobıldi ınternet jáne SMS qyzmetterinde úzilis bolǵanyn habarlady.
Aqaý Docomo jelisin paıdalanatyn basqa mobıldi operatorlardyń qyzmetterine de áser etti.
Úzilis saldarynan tutynýshylar mobıldi qyzmetterge qosyla almady, shottaryn teksere almady nemese kelisimsharttaryna ózgerister engize almady.
Docomo serverlerine áldekim ruqsatsyz kirýi múmkin degen qorytyndyǵa kelgennen keıin óziniń onlaın dúkeni men My docomo tutynýshy portalynyń jumysyn toqtatatynyn habarlady.
Kompanııa kıbershabýyldan kúdiktenetinin, biraq naqty qatysy bar-joǵy áli belgisiz ekenin málimdedi.
Keıingi aptalarda Japonııada korporatıvtik jáne memlekettik júıelerge birqatar kıbershabýyldar jasalyp, ondaǵan mıllıon paıdalanýshynyń derekteri buzylǵan.
Buǵan deıin Japonııanyń GMO Internet Group ınternet-provaıderi valıýta saýdasy qyzmetine zańsyz kirgen hakerlerdi anyqtaýǵa kómektesetin aqparat úshin 1 mln dollarǵa deıin syıaqy beretinin málimdegen edi.
Berlındegi iri klınıkaǵa hakerler shabýyl jasap, jeke derekterdi urlady.
Hakerler Frantsııadaǵy qan qoryn joıyp jibere jazdady.
