Hakerler Sarkozıdiń Facebook betinde «onyń atynan» ekinshi merzimge saılanýǵa qarsy ekenin aıtyp málimdeme jasady
ASTANA. 24 qańtar. QazAqparat - Frantsııa Prezıdenti Nıkolıa Sarkozıdiń Facebook áleýmettik jelisindegi betine hakerler shabýyl jasap, onda Memleket basshysynyń 2012 jyly saılaýǵa túspeıtini jóninde habarlama engizgen, - dep habarlaıdy RBK Europe1 radıostantsııasyna silteme jasap.
«Qurmetti otandastar, kúlli álemge belgili erekshe jaǵdaıǵa baılanysty, men 2012 jyly prezıdent oryntaǵyna qaıta saılanýǵa ózimdi úmitker retinde usynbaýdy jón dep sheshtim», -delingen ınternet-shabýylshylardyń habarlamasynda.
Sonymen qatar, onda jańadan qurylǵan Facebook tobyna shaqyrý da ornalastyrylǵan. Onyń qatysýshylaryna 2012 jyldyń 6 mamyrynda N.Sarkozıdiń ornynan ketýine baılanysty fýrshetke qatysý da usynylady.
