Hakerler Saakashvılıdiń Facebook-tegi jeke betine shabýyl jasady
ASTANA. 5 qazan. QazAqparat - Grýzııa Prezıdenti Mıhaıl Saakashvılıdiń Facebook áleýmettik jelisindegi jeke beti qurylǵannan keıin kóp uzamaı oǵan hakerler shabýyl jasady. Bul týraly grýzın basshysynyń ákimshiliginen habarlandy.
Shabýyl saldarynan saıt ákimshiligine Mıhaıl Saakashvılıdiń betin birneshe saǵatqa buǵattaýyna týra keldi, dep habarlaıdy Ytro.ru.
«Buǵan deıin Facebook jelisinde Saakashvılıdiń atynda kóptegen saıttar boldy. Alaıda olardyń birine de shabýyl jasalǵan emes. Mıhaıl Saakashvılıdiń Facebook-tegi jeke betiniń qaısysy resmı bolyp tabylatyny keshe ǵana belgili boldy», - dedi Grýzııa Prezıdenti ákimshiligi basshysynyń orynbasary Irma Nadırashvılı.
Shabýyldy kóptegen zararly kompıýterler arqyly birneshe haker jasaǵandyǵy boljanýda: betti buǵattaýdyń sebebi Mıhaıl Saakashvılıdiń betine Facebook-tiń myńdaǵan qoldanýshysynan bir mezgilde shaǵym túsirý bolǵan.
