Hakerler Reseıdiń kórikti oryndarynyń ataýlaryn ózgertip jiberdi
ASTANA. QazAqparat - Reseıde hakerler Google-kartada jergilikti kórikti oryndardyń ataýlaryn ózgertip jibergen, dep habarlaıdy QazAqparat «Bashınform» aqparat agenttigine silteme jasap.
Máselen, Ýfanyń Google-kartasynda jergilikti kórikti oryndar men basqa da nysandardyń ataýlary kúldirgi sózdermen aýystyrylyp qoıǵanyn kórýge bolady. Olardyń arasynda saıabaqtar, mektepter, gımnazııalar, dúkender, bank, saýda ortalyǵy men saýna bar.
Mysaly, Ýfanyń Google-kartasynda Shattyqqa toly Dostyq úıi, Magometandyq zırat, Azat Halımov atyndaǵy «Ortalyq qaljyń» saýda kesheni jáne taǵy basqalary paıda boldy. Sondaı-aq hakerler Ýfadaǵy nysandardyń basym bóligine brazılııalyq strıptızer Rıkardo Mılostyń esimin bergen.
«Bashınform» agenttigine Ýfa ákimshiliginiń baspasóz hatshysy Marsel Baıdavletov habarlaǵandaı, Google-kartada jergilikti kórikti oryndardyń ataýlarynyń ózgerýi Reseıdiń basqa da iri qalalarynda bolǵan. Olardyń arasynda - Ýlıanovsk jáne Voronej bar.
«Belgili bir adamdar toby nemese qoǵamdastyq qana nysandardyń ataýlaryn ózgerte alady. Bir adam muny isteı almaıdy. Biz Google-servıske hakerlerdiń jasaǵan ózgeristerin joıýdy surap, saýal joldadyq. Taıaý ýaqytta Ýfanyń Google-kartasynda kórikti oryndar men basqa da nysandardyń burynǵy ataýlary qaıta paıda bolady dep úmittenemiz», - dedi Marsel Baıdavletov.
