Hakerler Nıý-Iork saıtynyń jumysyn bir mınýtke buǵaýlap tastady
ASTANA. 11 qazan. QazAqparat - Keıbir elderdiń úkimettik mekemeleri men iri kompanııalaryna shabýyl jasaýshy «Anonımýs» hakerlik tobynyń qatysýshylaryna dúısenbi kúni Nıý-Iork qor bırjasynyń ınternet-saıtyn bir mınýtke buǵaýlap tastaý múmkindigi týdy.
ITAR-TASS habarlaýynsha, birneshe kún buryn top «Okkýpırýı Ýoll-strıt» uranymen tórtinshi apta ótip jatqan AQSh-taǵy korporatıvke qarsy qozǵalysty qoldaý aýqymynda dúısenbi kúni DDoS-shabýyl jasaıtyndyqtary týraly beıneúndeý joldaǵan bolatyn.
Nıý-Iork bırjasynyń saıtyna jergilikti ýaqyt boıynsha 15:35-ten 15:37-ge deıin kirý múmkin bolmady. Sodan keıin saıt qalypty kestede jumys istep ketti. Sarapshylardyń aıtýynsha, bul shabýyl kompıýterlik serverlerdi ýaqytsha isten shyǵarǵanymen, saıtty búldirgen joq. Qupııa málimetter taralyp, saýda júıesi buzylǵan emes kórinedi.
