Hakerler Katardyń Ulttyq bankinen 1,4 Gb málimetti urlady

ASTANA. QazAqparat - Belgisiz hakerler toby Katardyń Ulttyq bankiniń serverin buzdy, dep habarlady Hackread. Kólemi 1,4 Gb joǵalǵan derekter qorynda bank klıentteriniń jeke málimetteri bar. Klıentterdiń arasynda Katar koroliniń otbasy, «Ál-Jazıra» jýrnalısteri men MI6 agentteri týraly aqparattar da bar.

Derek qorynyń ishinde qarjy operatsııalarynyń júz myńdaǵan jazbalary, sonyń ishinde tólem kartalary, PIN-kodtar, klıentter tranzaktsııalarynyń tizbeleri ketken.

Qujattardyń bir bóliginde frantsýzdyq jáne polıak barlaý agentteriniń málimetteri - áleýmettik jelilerdegi paraqshalary, telefon nómirleri, tólem kartalarynyń nómirleri jáne otbasy músheleriniń esimderi berilgen. 30 akkaýnttan kelgen 1 200 jazba katarlyq «Ál-Jazıra» telekompanııasy jýrnalısteri týraly tolyqqandy málimetter beredi.

Zańbuzýshylyqqa barǵandardyń aty-jónderi men qylmysqa barý sebepter belgisiz. Katar Ulttyq banki tergeý jumystaryn bastaǵanyn habarlady. Banktiń resmı málimdemesinde aqparattardyń urlanýy bank klıentteriniń qarajatyna áser etpeıtini jazylǵan.