Hakerler Qaraǵandydaǵy monıtorlarǵa anaıy fılmder ornalastyrǵan

QARAǴANDY. QazAqparat - Qaraǵandyda belgisiz bireýler aıaldamalarda ornatylǵan barlyq monıtorlarǵa kıbershabýyl jasap, áleýmettik rolıkterdiń ornyna beıádep fılmderdi qosyp qoıdy, dep habarlaıdy QazAqparat tilshisi.

Oqıǵa búgin keshke boldy. Qala jastary ákimdik janyndaǵy «Qaraǵandy memlekettik tehnıkalyq ýnıversıteti» aıaldamasynda kórsetilip jatqan vıdeony uıaly telefonǵa túsirip, áleýmettik jelilerge ornalastyrǵan. Budan keıin Qaraǵandy qalasynyń ákimdigi barlyq kóshedegi monıtorlardy dereý sóndirdi.

«Bul hakerlik shabýyldyń saldarynan boldy. Aıaldamalarda ornatylǵan monıtorlar qazirgi ýaqytta jeliden ajyratyldy. Polıtsııa «Buzaqylyq» baby boıynsha qylmystyq is qozǵady. Qaskóıler izdestirilýde», - dep málim etti Qaraǵandy ákimdiginen.