Hakerler Instagram-nyń 17,5 mıllıon qoldanýshysynyń derekterin urlaǵan
ASTANA. KAZINFORM — Kıberqylmyskerler Instagram áleýmettik jelisiniń 17,5 mıllıon qoldanýshysyna tıesili jeke derekterdi urlaǵan. Bul týraly TASS habarlady.
Bul jóninde amerıkalyq Malwarebytes kıberqaýipsizdik kompanııasy málimdedi.
— Kıberqylmyskerler Instagram-daǵy 17,5 mıllıon akkaýnttyń qupııa aqparatyn qoldy etken. Olardyń ishinde paıdalanýshy attary, naqty mekenjaılar, telefon nómirleri, elektrondyq poshta mekenjaılary jáne basqa da derekter bar, — dep jazdy kompanııa X áleýmettik jelisindegi paraqshasynda.
Notebookcheck portalynyń habarlaýynsha, tarap ketken derekter fıshıng shabýyldary men akkaýnttardy urlaý maqsatynda paıdalanylýy múmkin. Aqparat 2024 jyly taraǵan bolýy yqtımal, alaıda bul derekter keń aýdıtorııaǵa tek 2026 jyly ǵana qoljetimdi bolǵan.
Instagram qoldanýshylary óz akkaýnttarynyń qupııasózderin ózgertýge baǵyttalǵan áreketter týraly eskertýler ala bastaǵan.
Al Meta kompanııasynyń ókilderi ázirge derekterdiń taralý faktisin rastaǵan joq jáne jaǵdaıǵa qatysty eshqandaı túsinikteme bergen joq.
Aıta ketsek, buǵan deıin hakerler elimizdiń bilim berý júıesine shabýyl jasap, ustazdardyń jalaqy derekteri urlanǵany belgili boldy.