Hakerler FTX krıptobırjasynan 415 mln dollar urlaǵan
ASTANA. TASS - QazAqparat – Bankrotqa ushyraǵan FTX krıptovalıýta bırjasy hakerler 415 mln dollardy urlaǵanyn málimdedi. Bul týraly QazAqparat TASS agenttigine silteme jasap habarlaıdy.
CNBC telearnasynyń habarlaýynsha, kompanııa zańgerleri men keńesshileriniń málimeti boıynsha, $323 mln FTX.com-nan urlansa, $90 mln amerıkalyq bólimshesinen jymqyrylǵan.
Sonymen qatar $2 mln Alameda Research hedj-qorynan shyǵarylǵan. Boljam boıynsha, urlyq 2022 jyldyń qarashasynda bırja qulaǵannan keıin bolǵan júıeniń buzylýymen baılanysty. Jalpy FTX-tiń joıylǵan aktıvteriniń sommasy – 5,5 mlrd dollar. Bul sommanyń ishinde FTX negizin qalaýshy Sem Benkman-Frıdtiń Bagam araldaryndaǵy jekemenshigi bar, onyń quny júzdegen mıllıon dollar dep baǵalanyp otyr.
Qarashanyń basynda FTX kompanııasy Twitter-de bankrot bolǵany týraly málimdedi, al onyń basshysy Benkman-Frıd otstavkaǵa ketti. AQSh-tyń baǵaly qujattar men bırja komıssııasy bıznesmenniń ótimdilik daǵdarysqa ákep soqqan áreketterge qatysy bar-joǵyn anyqtap jatyr. Kásipker ózine aıtylǵan aıyptyń bárin joqqa shyǵaryp otyr.
Foto: AP Photo/ Marta Lavandier
