Hakerler Frantsııa prezıdentiniń Facebook-akkaýntyn buzdy
ASTANA. QazAqparat - Hakerler Frantsııa prezıdenti Fransýa Ollandtyń Facebook-tegi akkaýntyn buzyp, onyń paraqshasyna 7 mamyrǵa belgilengen «Fransýa Ollandtyń otstavkaǵa ketýiniń qurmetine uıymdastyrylǵan kesh» atty is-sharaǵa shaqyrý jarııalaǵan, dep habarlaıdy QazAqparat RBK-ǵa silteme jasap.
Shaqyrý Ollandtyń resmı paraqshasynda bir saǵat boıy turdy, keıinnen alynyp tastaldy. Іs-sharany negizinen «Fransýa Ollandtyń otstavkasy úshin» qozǵalysynyń belsendileri uıymdastyryp otyr. Biraq atalmysh qozǵalystyń Facebook-tegi ókilderi prezıdent akkaýntynyń buzylýyna qatysy joqtyǵyn málimdedi.
Áleýmettik jelidegi 12 myń qoldanýshy kezdesýge baratyndyǵyn belgilegen.
Alaıda, «Fransýa Ollandtyń otstavkasy úshin» qozǵalysynyń Facebook-tegi paraqshasynda prezıdenttiń atalmysh keshke shaqyrǵan jazbasynyń skrınshoty keltirilgen. «Endi biz resmı túrde Fransýa Ollandtyń qoldaýyna ıe boldyq (esh qaljyńsyz)», - delingen qozǵalystyń habarlamasynda.
