Hakerler dopıng qabyldaǵan taǵy 26 sportshynyń esimin jarııalady
ASTANA. QazAqparat - ADAMS antıdopıngtik júıesiniń málimetter bazasyn buzyp kirgen Fancy Bears hakerler toby jarııalaǵan jańa tizimde ıspandyq tennısshi Rafael Nadal men brıtandyq jeńil atlet Mo Farahtyń esimi bar. Dopıng qabyldaǵan sportshylar tiziminde 10 elden 26 atlettiń aty bar. Tizim hakerlerdiń saıtynda jarııalandy, dep habarlaıdy TASS.
Qujattardaǵy málimetterge súıensek, eki dúrkin olımpıada chempıony jáne 14 ret «Úlken dýlyǵa» serııasyndaǵy týrnırlerdiń jeńimpazy bolǵan Nadaldiń 2009 jáne 2012 jyldary alynǵan dopıng-synamasynan tyıym salynǵan betametazon jáne tetrakozaktıd tabylǵan. 4 dúrkin Olımpıada chempıony Farahtyń 2008 jáne 2014 jyldary alynǵan synamasynan trıamtsınolon jáne esirtki zaty sanalatyn - morfın men vıkodın tabylǵan.
Sondaı-aq, Fancy Bears-tiń bul jolǵy jarııalaǵan qujattarynan ár jyldary tómendegi elderdiń sportshylary dopıng qabyldaǵany týraly dálel tabýǵa bolady: Ulybrıtanııa - Sem Kýek, Krısta Kallen, Aleks Denson (barlyǵy - OO-2016 «altynyn» alǵan, kógaldaǵy hokkeı), Kellým Skınner (altyn, velosport), Helen Glover (altyn, akademııalyq esý), Djastın Roýz (altyn, golf), Pıt Rıd (altyn, akademııalyq esý); AQSh - Arıana Vashıngton (altyn, jeńil atletıka), Breıdı Ellıson (kúmis, sadaq atý), Konnor Ieger (kúmis, júzý), Lorı Ernandes (altyn, sporttyq gımnastıka); Kanada - Krıstın Sınkler, Melıssa Tankredı, Rıan Ýılkınson, Sofı Shmıdt (bári - qola, fýtbol); Argentına - Lýkas Reı, Fakýndo Kallıonı (ekeýi de - altyn, kógaldaǵy hokkeı); Frantsııa - Dımıtrı Baský (qola, jeńil atletıka), Gote Grıýme (altyn jáne qola, semserlesý); Danıı - Kasper Mortensen (altyn, gandbol), Nıklas Larsen (qola, velosport); sondaı-aq belgııalyq Loık Lıýpaer (kúmis, kógaldaǵy hokkeı), Býrýndı ókili Fransına Nııonsaba (kúmis, jeńil atletıka) jáne vengr Laslo Cheh (júzý).
