Hakerler Dmıtrıı Medvedevtiń myńdaǵan SMS-terin saýdaǵa qoıdy
ASTANA. QazAqparat - «Anonımdi ınternatsıonal» tobynyń hakerleri RF premer-mınıstri Dmıtrıı Medvedevtiń gadjetinen alynǵan aqparat kóshirmesin saýdaǵa qoıdy, dep jazady Rosbalt.
Lot ornalastyrylǵan Exchange of Information portalyndaǵy aqparatqa sáıkes, aýktsıon 2015 jylǵy 9-23 aqpan aralyǵyna deıin sozylady.
Lottyń bastapqy quny 100 bıtkoın ( $22 myńǵa jýyq.), birjolǵy satyp alý baǵasy - 500 bıtkoın ($110 myńǵa jýyq).
Lot quramyna iCloud-degi Medvedevtiń úsh qurylǵysynyń aqparattary kiredi. Faılǵa premerdiń birneshe myń SMS-habarlamalary, fotosýretteri men vıdeolary, shalynǵan qońyraýlary, telefon kitapshasynyń baılanystary, Skype aqparaty, sondaı-aq osy qurylǵyda paıdalanylǵan qosymsha derekteri kirgen.
