Hakerler avstralııalyq júrgizýshilerge «syılyq» jasady
ASTANA. QazAqparat - WannaCry vırýsy álemdegi barlyq uıymdarǵa shabýyl jasaýyn jalǵastyrýda. Bul joly zııandy baǵdarlamalyq jasaqtamanyń shabýylyna Avstralııa jol ınspektsııasynyń qyzmetkerleri tap boldy, dep jazady life.ru.
Shýly WannaCry vırýsynyń jasaýshylary avstralııalyq júrgizýshilerdiń aqshalaryn saqtap qalýlaryna kómektesip, «syılyq» jasady. Vırýs joldaǵy 55 baqylaý kamerasyna kirip ketip, sonyń saldarynan polıtsııa jolda jyldamdyqty arttyrǵan jáne baǵdarshamnyń qyzyl túsine ótip ketken júrgizýshilerdiń aıyppulyn joıýǵa týra kelgen.
Jol ınspektsııasynyń 590 aıyppuly joıylǵan. Tehnıkalyq qyzmet kórsetý mamandary baıqaýsyzda USB-toǵannyń kómegimen kameralar jelisine zııandy BJ júktep jibergen.
«Men aıyppuldardy joıdym, sebebi kópshiliktiń júıeniń jumysyna 100 protsent senimmen qaraǵany mańyzdy dep esepteımin», - dep túsinik berdi komıssardyń orynbasary mindetin atqarýshy Ross Gıýnter.
Búkil álemge taralǵan vırýs-bopsalaýshy WannaCry kompıýterlerdi buǵattap, ony ashý úshin aqsha suraıdy. Reseıde onyń shabýylyna "Megafon" men Іshki ister mınıstrligi ushyraǵan edi.
Foto: flickr.com/Guy Middleton
