Hakerler Amerıkanyń 20 myń qaýipsizdik qyzmetkeriniń málimetterin jarııa etti
ASTANA. QazAqparat - Týıtterde DotGovs ataýymen belgili hakerler toby Amerıkanyń Federaldyq tergeý bıýrosynyń 20 myń qyzmetkeriniń baılanys derekterin jarııalady, dep habarlaıdy CNN.
Taıaýda hakerler AQSh-tyń ulttyq qaýipsizdik mınıstrliginiń 10 myń qyzmetkeriniń jeke málimetterin jarııalaǵan. Olardyń aıtýyna qaraǵanda bul málimetter mınıstrliktiń derek qoryn buzý arqyly alynǵan.
Jarııalanǵan qujattarda qaýipsizdik qyzmetkerleriniń aty, laýazymy, elektrondyq poshtasy men baılanys nómirleri keltirilgen.
«Mınıstrlik qazir baılanys aqparattar saqtalǵan júıege sanktsııasyz kirý oqıǵasyn tekserýde», - dep málimdedi vedomstvonyń resmı ókili Pıter Karr.
