Hakerler áleýmettik jelilerdegi Skype akkaýntyn buzdy
ASTANA. 2 qańtar. QazAqparat - «Sırııalyq elektrondyq ásker» hakerler toby Skype akkaýntyn buzdy. Bul jaýapkershilikti olar óz moınyna aldy.
Sheteldik BAQ-tyń habarlaýynsha, servıstiń Tvıtter men Feısbýktegi paraqshalarynda hakerler paıdalanýshylarǵa eskertý jazyp qaldyrǵan. Onda arnaıy qyzmetter ınternet paıdalanýshylardy baqylap otyrǵany jóninde aıtylady. Bul týraly Edvard Snoýden de aıtqan edi. Onyń málimetteri boıynsha, Skype - ınternettegi beıneqońyraýlar baǵdarlamasy - óziniń qoldanýshylary jónindegi málimetterdi arnaıy qyzmet organdaryna berip otyrady.
Esterińizge sala keteıik, «Sırııalyq elektrondyq ásker» dep atalatyn hakerler toby tanymal akkaýnttar men áleýmettik jelilerdi buzýmen aınalysady. Hakerler ózderin qazirgi bılik jaqtastary dep sanaıdy, olar shıelenistiń shynaıy kórsetilýi úshin kúresetindikterin jarııalaǵan.
