Hakerler AQSh-tyń Ortalyq barlaý basqarmasynyń saıtyna buzyp kirdi

Olar buǵan deıin AQSh Kongresi Senatynyń saıtyna da shabýyl jasaǵan bolatyn, dep habarlaıdy RЬK agenttigi.

"Barlaý basqarmasynyń resmı ókili Merı Harf, kompıýter buzaqylarynyń qupııa aqparat joq jalpyǵa ortaq saıtqa shabýyl jasaǵanyn habarlady. Onyń aıtýynsha, hakerlerdiń bul áreketi Ortalyq barlaý basqarmasynyń qyzmetine áserin tıgizgen joq", - dep habarlaıdy Associated Press agenttigi.

Ózderin Lulz Security dep ataǵan hakerler toby 12 maýsymda AQSh Senaty saıtyna buzyp kirgenderin málim etken edi.

«Sálem, dostar! Biz AQSh Úkimetin asa jaqsy kóre qoımaımyz. Olardyń kemeleri álsiz, ázilderi onsha emes, al saıttary senimsiz», - delingen álgi toptyń málimdemesinde. Jáne olar amerıkan senatynyń saıtynan urlanǵan faıldardyń tizimin qosa jarııalaǵan.

Aıta ketý kerek, bul Lulz Security tobynyń birinshi aktsııasy emes. Buǵan deıin olar, WikiLeaks týraly ózderine unamaǵan fılmge narazylyq retinde, sol fılmdi kórsetken Public Broadcasting Service (PBS) telekompanııasynyń saıtyn buzǵan edi.