Hakerler AQSh-taǵy saılaý barysyna yqpal ete almady -Tramp
ASTANA. QazAqparat - AQSh-tyń saılanǵan prezıdenti Donald Tramp kıbershabýyldardyń eldegi saılaý naýqanyna yqpal ete almaǵandyǵyn málim etti. Bul týraly Rıa Novostı habarlady.
«Reseı, Qytaı sııaqty ózge de kóptegen memleketter, toptar men azamattar demokrattar komıtetin qosa alǵanda bizdiń memleketimizdiń mekemelerimiz, kásiporyndar men uıymdarymyzdyń ınfraqurylymdaryna udaı kirýge umtylyp jatqanymen olar saılaý barysynda eshqandaı yqpal ete almady. Olar daýys berý qurylǵylaryna da kedergi keltire almady»,-delingen Tramptyń málimdemesinde.
Buǵan qosa, Tramp AQSh-tyń barlaý qyzmetiniń ókilderimen de kezdeskenin aıtyp, olarǵa zor alǵysyn bildirdi.
Osyǵan deıin saılanǵan prezıdent Donald Tramp kongres ókilderinen kıbershabýyldar týraly aqparatty NBC arnasynyń qaıdan alǵandyǵyna tekserý júrgizýdi tapsyrdy.
