Hakerler AQSh Senatynyń saıtyn buzdy
ASTANA. 14 maýsym. QazAqparat - Ózdrin Lulz Security dep ataǵan hakerler toby AQSh Senaty vebportynyń ishki jelisine buzyp kire alǵandaryn málim etti.
Bul týraly hakerler óz saıttarynda jarııalady, dep habarlaıdy RBK agenttigi.
«Sálem, dostar! Biz AQSh Úkimetin asa jaqsy kóre qoımaımyz. Olardyń kemeleri álsiz, ázilderi onsha emes, al saıttary senimsiz», - delingen álgi toptyń málimdemesinde. Jáne olar amerıkan senatynyń saıtynan urlanǵan faıldardyń tizimin qosa jarııalaǵan.
Sarapshylardyń pikirinshe, kıberbuzaqylar shyn máninde Senate.gov saıtyn buzǵan sııaqty.
Al amerıkan ókimetiniń resmı ókilderi bul fakti boıynsha tekserý júrgiziletinin málim etip otyr. Aıta ketý kerek, bul Lulz Security tobynyń birinshi aktsııasy emes. Buǵan deıin olar, WikiLeaks týraly ózderine unamaǵan fılmge narazylyq retinde, sol fılmdi kórsetken Public Broadcasting Service (PBS) telekompanııasynyń saıtyn buzǵan edi.
