Hakerler AQSh Kongresiniń ınternet-saıttaryn buzdy
ASTANA. Qańtardyń 29-y. QazAqparat - Hakerler AQSh Kongresi Ókilder palatasynyń 49 ınternet-saıtyn buzyp kirdi.
Shabýylǵa respýblıkalyq ta, demokratııalyq ta partııalardyń resýrstary ushyraǵan. Buzaqylar saıt betterine kirip, el prezıdenti Barak Obamaǵa til tıgizetin joldaýlar qaldyrǵan, dep habarlaıdy Associated Press agenttigi.
Shabýyl kezinde Aq úı basshysy Kongreste «El jaǵdaıy týraly» jyl saıynǵy joldaýyn jasap jatqan.
Ókilder palatasynyń resmı ókili Djef Venchýra, bul shabýylǵa ókilderi palataǵa kirmeı qalǵan partııalardyń biriniń qatysy bar ekenin aıtyp otyr. Onyń aıtýynsha, saıttar jańartylyp, sol maqsatta olardyń qorǵanys júıesi birneshe sekýndqa bosańsytylǵan eken. Biraq ta, hakerlerge saıttarǵa buzyp kirýge osy birer sekýndtyń ózi jetken kórinedi.
