Hakerlar Taıvanda bankomattardan 2,2 mln dollar jymqyrdy

ASTANA. QazAqparat - Harkerlar shabýylynan keıin keminde úsh taıvandyq bank bankomattar arqyly aqsha berýdi toqtatty. Reuters agenttiginiń habarlaýynsha, bankomattardan 70 mln jańa taıvandyq dollar (shamamen $2,2 mln) qoldy bolǵan.

First Bank bankomattarynan eki kúdikti qomaqty aqsha sheship alǵan, vıdeoda olardyń bank kartasyn salmaǵany anyq kóringen.
Qylmyskerlerdiń Wincor Nixdorf shyǵarǵan bankomattarǵa qoljetimdiligi bolǵan. Qazir qarjy mekemesinde osyndaı úsh júzge jýyq bankomat bar, onyń 34-in hakerler buzyp alǵan. Sarapshylar belgisiz kúdiktiler qaýipti baǵdarlama kómegimen bankomattyń basqarý tetigine qol jetkizgen dep sanaıdy.

Wincor Nixdorf shyǵarǵan bankomattar elde kóp taralǵan, olar iri sýpermarketter men saýda ortalyqtarynyń 80 paıyzyna ornatylǵan.