Hakan Fıdan Memleket basshysyna Prezıdent Erdoǵannyń sálemin jetkizdi

ASTANA. QazAqparat - Túrkııanyń Syrtqy ister mınıstri Hakan Fıdan Memleket basshysyna Prezıdent Rejep Taııp Erdoǵannyń sálemin jetkizdi, dep habarlaıdy QazAqparat.

Ol Túrkııa tarapy ortaq kúsh-jigerdiń nátıjesinde eki eldiń ózara yntymaqtastyǵyn, sondaı-aq aımaqtyq jáne halyqaralyq arenadaǵy áleýetin budan da joǵary deńgeıge jetkizýge nıetti ekenin aıtty.

Sonymen qatar Túrkııanyń Syrtqy ister mınıstri Prezıdent Rejep Taııp Erdoǵannyń bıyl qarasha aıynda ótetin Túrki memleketteri uıymynyń sammıti aıasynda ózara strategııalyq qarym-qatynas máselelerin keńinen talqylaýdy josparlap otyrǵanyn jetkizdi.