Hakan Fıdan, Marko Rýbıo men Ýkraına delegatsııasy Ystanbulda 16 mamyrda kezdesedi
ASTANA. KAZINFORM – Reseı, Ýkraına men Túrkııa ókilderiniń úshjaqty kezdesýi saǵat 13:30-da (Máskeý, Ystanbul jáne Kıev ýaqyty boıynsha) Ystanbulda ótedi, dep habarlaıdy BAQ ókilderi.
Bul týraly Anadolu Ajansı jazdy.
Túrkııanyń Syrtqy ister mınıstri Hakan Fıdan, AQSh Memlekettik hatshysy Marko Rýbıo basqarǵan AQSh delegatsııasy, Ýkraınanyń Qorǵanys mınıstri Rýstem Ýmerov basqarǵan ýkraınalyq delegatsııa jáne Reseı prezıdenti Vladımır Pýtınniń keńesshisi Vladımır Medınskıı basqarǵan reseılik delegatsııa 16 mamyr kúni Ystanbulǵa jınalady.
Syrtqy ister mınıstrliginen jetken aqparatqa sáıkes, Túrkııa syrtqy ister mınıstri Hakan Fıdan, Rýbıo bastaǵan AQSh delegatsııasy , Ýmerov bastaǵan ýkraınalyq delegatsııa jáne Medınskıı bastaǵan reseılik delegatsııa juma, 16 mamyr kúni Ystanbulda bolady.
Derekkóz sonymen qatar mınıstr Fıdan men reseılik delegatsııa arasynda josparlanǵan kezdesý keshe, 15 mamyr kúni keshkisin prezıdenttiń Dolmabahche keńsesinde bastalǵanyn habarlady.
11 mamyr kúni Reseı prezıdenti Vladımır Pýtın 3 jyl buryn toqtatylǵan kelissózderdi aldyn ala sharttarsyz 15 mamyr kúni Ystanbulda jańǵyrtýdy usynyp, ol úshin Túrkııa prezıdenti Rejep Taıyp Erdoǵannan osy kezdesýdi uıymdastyrýdy surady.
Ýkraına tarapy bul usynysqa kelisti. Ystanbulda ótetin beıbit kelissózderdi halyqaralyq qoǵamdastyq ta qoldady.
Osyǵan deıin Ystanbul AQSh-tyń qatysýymen Reseı men Ýkraına arasyndaǵy sheshýshi kelissózge daıyndalyp jatqany týraly habarladyq.