Hadııa, Darııa, Jánııa: Qyzylordada bıyl alǵashqy úshem dúnıege keldi
QYZYLORDA. KAZINFORM — Qyzylorda oblysynda 2026 jyldyń alǵashqy úshemi dúnıege keldi. Bul týraly oblystyq densaýlyq saqtaý basqarmasynan habarlady.
27 naýryz kúni júktiliktiń 32 aptasynda ómirge kelgen sábılerge Hadııa, Darııa jáne Jánııa esimi berildi.
— 1210, 1470 jáne 980 gramm bolyp týylǵan shaqalaqtar eki aı boıy ana men bala ortalyǵynyń joǵary táýeldiliktegi nárestelerge arnalǵan arnaıy kútim bólimshesinde em qabyldap, dárigerlerdiń úzdiksiz baqylaýynda boldy. Mamandardyń bilikti kómegi men medıtsınalyq kútiminiń nátıjesinde sábılerdiń jaǵdaıy turaqtalyp, salmaǵy 2390, 3390 jáne 2060 gramǵa jetti, — delingen habarlamada.
Sábılerdiń anasy — 32 jastaǵy Móldir Bekbaýly, ákesi — 34 jastaǵy Berikbol Nursultan. Syrdarııa aýdanyna qarasty Besaryq aýylynda turatyn Baımanovtar otbasynda buǵan deıin de eki bala bar.
Al jýyrda Túrkistan oblysynda taǵy da úshem dúnıege keldi. Sábılerge ata-anasy Fatıma, Zýhra jáne Hasan esimderin berdi.
