Habıb pen Konor aıqasy PPV-satylymdarynyń rekordyn ornatty
ASTANA. QazAqparat - Irlandııalyq Konor MakGregor men reseılik Habıb Nýrmagomedovtiń jekpe-jegi ótken UFC 229 jarysynda 2,4 mıllıonǵa jýyq pay-per-view jazylymdary satylǵan, dep habarlaıdy MMA Fighting-qa silteme jasaǵan «SPORTINFORM».
Bul satylymdar promoýshen úshin rekordtyq boldy. Aqyly jazylym tek AQSh aýmaǵynda satylǵan, onyń eń tómengi baǵasy 90 AQSh dollary edi. Ekinshi jáne úshinshi oryndarda MakGregordyń 2016 jyly Neıt Dıasqa qarsy jekpe-jekteri (1,6 jáne 1,65 mln.) ornalasqan.
Eske sala keteıik, 6 qazan kúni Nýrmagomedov UFC chempıondyq ataǵyn qorǵap shyqty. Aıqastyń tórtinshi raýndynda Habıb qylqyndyrý tásilin qoldanyp, qarsylasyn jeńdi. Jekpe-jek aıaqtalǵan soń reseılik sportshy oktagonnan shyǵyp ketip, zalda jáne jekpe-jek torynda jappaı tóbeles boldy. Endi ol arnaıy sot qaraýynan keıin aıyppul tóleýi múmkin.
