Habıb Nýrmogamedov ózine tıesili syıaqysyn ala almaýy múmkin
ASTANA. QazAqparat - UFC 229 týrnırinde búgin 27-shi jeńisine jetken reseılik Habıb Nýrmogamedov syıaqysyn ala almaýy yqtımal. Buǵan daǵystandyqtyń aıqastan keıin Konor Makgregordyń dostaryna tap berýi sebep bolyp otyr, dep habarlaıdy QazAqparat tilshisi sports.kz saıtyna silteme jasap.
«Makgregorǵa tıesili syıaqynyń beriletini maquldandy. Oryn alǵan oqıǵa tergelip bitkenshe Nýrmogamedovtyń syıaqysy berilmeıdi», - dedi UFC prezıdenti Deın Ýaıt aıqas aıaqtalǵannan keıin.
Eske sala ketsek, AQSh-tyń Las-Vegas qalasyndaǵy «T-Mobile Arena-da» aralas jekpe-jektiń (MMA) tarıhyndaǵy eń aıtýly aıqastardyń biri, UFC 229 týrnıriniń aqtyq saıysy - ırlandııalyq Konor Makgregor men reseılik Habıb Nýrmagomedovtyń aıqasy aıaqtalǵan bolatyn.
Jekpe-jekte reseılik ırlandııalyqty qylqyndyrý ádisimen jeńdi.
