Habıb Nýrmagomedovtiń bapkeri atyraýlyq jastarmen kezdesti

ATYRAÝ. QazAqparat - Erkin kúresten KSRO sport sheberi, Reseı Federatsııasynyń eńbek sińirgen jattyqtyrýshysy, jeńil salmaqta UFS chempıony Habıb Nýrmagomedovtiń bapkeri Abdýlmanap Nýrmagomedov Atyraý oblysynyń jasóspirimderimen kezdesti, dep habarlaıdy QazAqparat tilshisi.

Erkin formattaǵy kezdesý Jastar jylyna oraı «Jastar sport fest» jobasy aıasynda uıymdastyryldy. Kezdesýde atyraýlyq jas sportshylar Abdýlmanap Nýrmagomedovke suraqtar qoıyp, bapkerdiń tájirıbesine negizdelgen aqparattarmen tanysty. Sondaı-aq, kezdesýge qatysýshylar Habıb Nýrmagomedovtiń jetistik joly týraly bildi.

«Atyraý qalasyna alǵash kelýim emes. Osymen ekinshi ret kelip otyrmyn. Qazaqstannyń atynan shyǵyp júrgen álemdik deńgeıdegi sportshylar jeterlik. Sondyqtan jas býynǵa aıtarym, salaýatty ómir saltyn ustanyńyzdar», - dedi Abdýlmanap Nýrmagomedov.

Sonymen qatar, kezdesýde Atyraý oblystyq Dene shynyqtyrý jáne sport basqarmasynyń basshysy Rınat Ibragımov alda ótkiziletin «Jastar sport fest» sharasynyń mańyzdylyǵyna toqtaldy.

«Prezıdentimiz Qasym-Jomart Kemeluly da buqaralyq sportty keń kólemde damytý keregin jıi aıtady. Óıtkeni, atalǵan sportta bizdiń chempıondardyń kóp bolýy – elimizdiń jetistigi. Al, qazirgi tańda sportshylar arasynda jastar belsendilik tanytyp kele jatyr. Ózderińiz biletindeı, Elbasymyz aǵymdaǵy jyldy Jastar jyly dep jarııalaǵan bolatyn. Osy oraıda 4 kúnge sozylatyn shara ótkizbekshimiz. Oǵan arnaıy qonaq retinde kelgen Abdýlmanap Nýrmagomedovke sizderdiń jáne ózimniń atymnan alǵysymdy bildiremin», - dedi Rınat Ibragımov.

Aıta keteıik, 27 qyrkúıek kúni «Jaıyq» sport kesheninde «Gorilla Fighting Champioship 17» halyqaralyq týrnıri ótedi. Týrnırge arnaıy qonaq retinde Habıb Nýrmagomedov, Islam Mahachev, Zýbaıra Týhýgov jáne Damır Ismagýlov syndy ataqty sportshylar keledi.