Habıb Nýrmagomedov pen Konor Makgregor sporttan shettetildi
ASTANA. QazAqparat - Reseılik UFC chempıony Habıb Nýrmagomedovke jáne ırlandyq UFC sheberi Konor Makgregorge jekpe-jekten keıin jappaı tóbeleske qatysqandary úshin jazalaý sharalary engizildi, dep habarlaıdy QazAqparat Sports.kz saıtyna silteme jasap.
Atap aıtqanda, Nevada shtatynyń sport komıssııasy (NSAC) Nýrmagomedovty toǵyz aıǵa sporttan shettetti. Sondaı-aq ol 500 myń dollar kóleminde aıyppul tóleıtin boldy. Habıb býllıngke qarsy (oqý oryndaryndaǵy jábirleý, qýdalaý) áleýmettik is-sharalarǵa qatysatyn bolsa, onyń shettetilý merzimi alty aıǵa deıin qysqarýy múmkin.
Al Makgregor toǵyz aı jekpe-jekterge qatysa almaıdy. Sondaı-aq, Konorǵa 50 myń dollar kóleminde aıyppul salyndy.
Sporttan shettetilý merzimi aıqas ótken kúnnen - 6 qazannan bastap esepteledi.
Eske salaıyq, Las-Vegasta T-Mobile Arena-da Nýrmagomedov tórtinshi raýndta Makgregordy qylqyndyryp, jeńgen edi. Kezdesýden keıin daǵystandyq sportshy Nýrmagomedov Konor Makgregordyń dostaryna tap bergen bolatyn.
