Habıb Nýrmagomedov Qazaqstanda úlken týrnır ótkizbek
NUR-SULTAN. QazAqparat – UFC burynǵy chempıony Habıb Nýrmagomedov óziniń Eagle FC lıgasy boıynsha Qazaqstanda úlken týrnır ótkizý jónindegi josparyn jarııalady, dep habarlaıdy QazAqparat tilshisi.
Atalǵan týrnırdegi basty jekpe-jek orta salmaqtaǵy Eagle FC chempıony, tájikstandyq faıter Farıdýn Odılov (12-2) jáne qazaqstandyq Dáýren Ermekovtiń (14-5) arasynda bolmaq.
«Ekeýi jekpe-jek ótkizýge kelisim berdi. Jekpe-jek jeltoqsan aıynda Qazaqstanda uıymdastyrylady degen oıdamyz», - dedi Habıb Nýrmagomedov.
Aıta ketsek, Dáýren Ermekov Aqtaý qalasynda 17 shildede orta salmaqtaǵy Eagle FC ýaqytsha tıtýlyna ıe boldy. Ol jekpe-jek barysynda reseılik Gamzat Hıramagomedovti (9-2) ekinshi raýnda nokaýtqa túsirgen bolatyn.
Eske salsaq, budan buryn Islam yntymaqtastyǵy oıyndarynda jeńil atlet Mıhaıl Lıvtın altyn medal aldy.
