Habıb Nýrmagomedov Almatyda zaǵıp jandarmen fýtbol oınady
ALMATY. QazAqparat – Jeńil salmaqtaǵy UFC chempıony Habıb Nýrmagomedov Almatydaǵy Tımýr Segizbaev atyndaǵy «Qaırat» fýtbol klýbynyń bazasyna bardy, dep habarlaıdy QazAqparat.
Jeńil salmaqtaǵy UFC chempıony Habıb Nýrmagomedov Tımýr Segizbaev atyndaǵy «Qaırat» FK bazasyna baryp, kózderi nashar kóretin nemese múldem kórmeıtin oıynshylarǵa arnalǵan Kairat Blind Football Team komandasymen fýtbol oınady.
Nýrmagomedovpen birge «Qaırat» bazasynda UFC-diń taǵy bir sportshysy Zýbaıra Týhýgov ta qonaqta boldy.
Kezdesý barysynda UFC chempıony jigitterdi Daǵystanǵa shaqyrdy.
Kelesi jyly Kairat Blind Football Team oıynshylary álemniń eń tanymal sportshysynyń biriniń shaqyrýymen Daǵystanǵa baryp, jergilikti komandamen joldastyq kezdesý ótkizedi.
Aıdyn Qojahmet
