Habı Alonso «Bavarııa» sapynda alǵashqy oıynyn ótkizdi
ASTANA. QazAqparat - Ispanııanyń ańyz oıynshysyna aınalǵan «koroldik» klýbtyń jartylaı qorǵaýshysy Habı Alonso osy maýsymdy mıýnhendik «Bavarııa» sapynda ótkizedi. Ol senbi kúni nemisterdiń sapynda alǵashqy matchyn ótkizip te úlgerdi.
«Bavarııa» «Realǵa» Alonso úshin 8 mıllıon eýro tólegen eken.
Sondaı-aq, kolýmbııalyq ataqty surmergen Radamel Falkao «Realǵa» aýysýy múmkin. Oıynshynyń jeke agenti onyń «koroldik» klýbqa aýysyp bolǵanyn aıtyp otyr. Al «Real» tarapynan ázirge naqty aqparat joq. Qazir oıynshy Ispanııada júr. Falkaonyń «Realǵa» tolyq aýysqany álde jalǵa berilgendigi jóninde de naqty aqparattar joq, dep jazady alaman.kz.
Japonııa ulttyq quramasynyń jáne aǵylshyndyq «MıÝ» komandasynyń jartylaı qorǵaýshysy Sındzı Kagava jaqyn kúnderi dordmýndtyq «Borýssııa» komandasyna aýysýy múmkin. Oıynshynyń komandadan ketýdegi basty sebebi - negizgi quramdaǵy orynyn joǵaltyp alýy. Anglııa ulttyq quramasynyń fýtbolshysy Dennı Ýelbekte «MıÝ» komandasynan ketýge jaqyn. Bul oıynshynyńda komandadan ketýindegi basty sebep - negizgi quramdaǵy oryndy ıelenbeýi. Al oıynshynyń ózine birden tórt aǵylshyndyq komanda qyzyǵyp otyr. Olar - «Tottenhem», «Hall», «Sanderlend» jáne «Nıýkasla». Ýelbekti alýǵa atalǵan komandalardyń alǵashqysynyń múmkindigi kóp.
