Habenskıı Trotskııdi somdaý usynysyn qarastyrady
ASTANA. QazAqparat - Akter Konstantın Habenskıı «Uly Oktıabr» serıalynda Lev Trotskııdiń rólin somdaý týraly usynysty qarastyrady, dep habarlady RIA Novostı.
«Men ázirge mundaı usynys alǵan joqpyn, biraq ta áýeli stsenarııdi qarap shyǵamyn, sosyn ǵana sheshim qabyldaımyn», dep jaýap qaıtardy ártis joba týraly suraqqa.
Habenskııdi Trotskıı róline shaqyrý týraly budan buryn «Reseı kommýnısteri» partııasynyń ókili Maksım Sýraıkın aıtqan bolatyn. Onyń aıtýynsha, partııa Oktıabr revolıýtsııasynyń 100 jyldyǵyna «Uly Oktıabr» serıalyn túsirýdi josparlaýda, oǵan akter Evgenıı Mıronov ta shaqyrylmaq - oǵan Kerenskııdiń róli usynylýy múmkin.
Sýraıkınniń málimdeýinshe, «Reseı kommýnısteri» halyqtyń qaıyrymdylyq jarnalary kómegimen qarjylandyrýdy kózdep otyrǵan serıalmen jumys ázirlik satysynda. Partııa áýeli stsenarııshiler tobyn anyqtaıdy jáne ıdeıany pysyqtaýmen aınalysady.
1917 jylǵy Oktıabr revolıýtsııasy barysynda Reseıde bılik Búkilreseılik keńester sezinde qalyptastyrylǵan Aleksandr Kerenskıı basqarǵan Ýaqytsha úkimetke kóshti. Revolıýtsııadan keıin Kerenskıı AQSh-qa emıgratsııaǵa ketti.
Trotskıı revolıýtsııany uıymdastyrýshylardyń biri jáne alǵashqy keńes úkimetinde syrtqy ister halyq komıssary, odan keıin áskerı jáne teńiz ister jónindegi halyq komıssary boldy. 1927 jyly ol barlyq laýazymdarynan bosatyldy, al 1929 jyly - KSRO-dan qýyldy. 1940 jyly Meksıkada Trotskııdi NKVD agenti Ramon Merkader óltirdi.
