Habarovskide mas jolaýshy A-340 ushaǵynyń jedel qonýyna sebepker boldy
ASTANA. Qazannyń 31-i. QazAqparat - Nemistiń «Lıýftganza» áýe kompanııasynyń Mıýnhennen Tokıoǵa ushyp bara jatqan ushaǵy senbige qaraǵan túni Habarovskide jospardan tys qonýǵa májbúr boldy,
Oqıǵaǵa ushaq bortyndaǵy mas jolaýshynyń áreketi sebep boldy, dep habarlaıdy «RIA «Novostı» «Rosaeronavıgatsııa» qyzmetine silteme jasap.
Aqparat agenttiginiń habarlaýynsha, «Mıýnhen-Tokıo baǵytynda ushyp bara jatqan jáne bortynda 304 jolaýshy bolǵan A-340 laıneri jolaýshynyń buzaqylyq áreketinen máskeý ýaqyty boıynsha saǵat 03.22-de Habarovskige jospardan tys qonýǵa májbúr bolǵan». Derek kózdiń aıtýynsha, bir saǵattan astam ýaqyttan keıin, máskeý ýaqyty boıynsha 04.40-ta ushaq ári qaraı Tokıoǵa ushyp shyqty».
Derek kóz, Japonııa elordasyna barlyq jolaýshylardyń, onyń ishinde «aıaldama» jasaýǵa sebep bolǵan jolaýshynyń da, ushyp shyqqanyn atap kórsetti.
